NEVES ESTEVEZ

“Unha vella e un vello”, versión libre dun conto popular tradicional, xoga cunha sucesión de ideas encadeadas para narrar unha historia onde diversos animais e obxectos se suceden ao longo das páxinas, buscando que os cativos traballen as súas capacidades nemotécnicas e introducíndoos, ao mesmo tempo, na vida real.

O parrulo parruleiro, unha ovella fermosa, a vaca Marela, o gato lambón... todos pasan por un camiño de cor onde quedan reflectidas as súas pegadas. Os pequenos lectores poderán adiviñar que protagonistas atoparán nas páxinas seguintes a partir das marcas que os animaliños deixan no carreiro.