Plectrude nace no cárcere, orfa. Vai ser unha rapaza distinta, condicionada por esa circunstancia. Excepcional na escola, onde todos a admiran, a súa obsesión é ser bailarina na Ópera de París. Cando está a piques de realizar o seu soño, a dura disciplina da danza condúcea á anorexia. A protagonista da novela está inspirada nun personaxe real, a cantante francesa Robert, que aparece retratada na cuberta da edición galega da novela. En Un nome de dicionario, Amélie Nothomb sorprende polo seu estilo inconfundible, pola súa madureza e a súa capacidade de conectar facilmente co lector. Hoxe en día, a narradora belga é a representante por excelencia da nova literatura en lingua francesa.
]]> Tue, 22 Sep 2026 02:50:01 +0000 es Copyright 202 6BiblioEteca Technologies SL